Araz Ataxan: “Ramil Səfərovun əfv edilməsi Güney Azərbaycanda sevinclə qarşılanıb” Güney Azərbaycan Milli Hərəkatı Ramil Səfərovun azadlığa çıxmasını alqışlayır. Xüsusilə, Azərbaycan prezident İlham Əliyevin əfv qərarı güneydə sevinclə qarşılanıb. Bu sözləri Gün.Az-a Amsderdamdan Cənubi Azərbaycan İstiqlal Partiyasının Hollandiya üzrə nümayəndəsi, ekspert Araz Ataxan Ramil Səfərovun azadlığa çıxmasının Güney Azərbaycanda necə qarşılanması ilə bağlı fikrini şərh bildirib.
“Ramil Səfərovun azadlığa çıxması insanlarımız arasında milli ruhun artmasına səbəb olub. Bunun milli hərəkat üçün çox müsbət nəticələri olacaq. Güney Azərbaycan Milli Hərəkatı Azərbaycan dövlətinin bu addımını dəstəkləyir və bütün gücümüzlə Azərbaycanın yanındayıq. Prezident İlham Əliyev çox doğru və hesablanmış bir addım ataraq,öz vətəndaşına sahib çıxdı. Hamı gözəl bilirdi ki, Ramil Səfərov haqsız olaraq həbsdə idi. Bu bir daha onu göstərir ki, bir millətin bayrağı ilə oyun oynamaq olmaz. Əgər, ermənilər bu məsələ ilə bağlı başqa addım atsalar, onlara qarşı birgə və effektiv mücadilə aparacığıq”, - deyə Araz Ataxan qeyd edib.
Elnur Eltürk
Gün.Az