۴ ايل بويونجا روحاني دؤورونده اورموگؤلونون قورودولما فاجيعه سين قاباغی آلینماماسی, گؤلو قوروتماق پروژئسي سورعتي ايله ايررله‌مه‌سي ،فارس رئژيمينين آذربايجان آدينا سئچديگي سؤزده ميلت وکيللرينين بو فاجيعه يه لاقئيد قالماسي، گؤلو قورودوما فاجيعه سينه اعتيراض ائدن ویجدانلی آزربایجان اولادلارینی توتوقلانماسي و….نهایت ۲۳ تیر۱۳۹۶ جی ایل اولاییندا, بییرغیر سیاسی و محیط زیستی حرکتین قاباقین زوربالیقلا آلینماسي,گونئی آذربايجانليللارا بير خبرداليق داها وئردی .( ۲۳ تیر,ممانعت رژیم ایجاد زنجیره انسانی وتجمع سمبلیک محیط زیستی برای حفظ دریاچه اورمیه در آزربایجان جنوبی )
اوشاقدان بؤیوکه بیلر کی اورموگؤلونون قصدا قورودولماسی فارس مولا رژیمینین آنتی تورک و ضدآذربایجان سیاستی نتیجه سینده دیر ویاراتدیقی بو قورخونج فاجيعه دن بئللی هدفلرگودور و بول بول سیاسی و ایقتیصادی قازانجلارگؤزلويور.
بو هدفلرین باره سینده یوزلر میلی فعال ومتخصص مینلر دفعه دانیشیب. اورمو گؤلو قورورسا , آرتیق آزربایجان تورک میللتی ده ,اونون کشکینده اولان میلی حرکت ده, چوخ شی ایتیرجک. دها آجی سی زمان کچیدیکجه بو فاجعه نین وردیی ضررلرینین تلافیسی و جبران ایمکانی و احتمالی صیفراولور.
آنجاق اورمو گولونون قصدا قورودولما فاجعه سینده دیگربیرگروپوندا بویوگ گناهی وتاثیری وار! اودا میلی فعال آدیلا اورتادا گئزئن بعضی شخصلردیر.
بعضیلری کی اوزلرینه میلی فعال دیللر, آزربایجان تورک لرینین ۱۳۹۰ تا ۱۳۹۲جی ایلرده حاقلی و چوخ موثر خیابان اعتراضلارین دوردورماق اوچون روحانی وغاصب ایران رژیمنین دادینا چاتدیلارو فارس رژیمینه وکیل کیمی گرونوب آزربایجانلیلاری اوده اتورمقا و روحانی‌يه آرخایین اولمالارینی ساغلادیلار , فارس رژیمیندن داها چوخ ازربایجانلیلارین بو یالان وعده لره اینانمالارینا و خیابان اعتراض لارینا سون ورملرینه زحمت چکدیلر .بو آزینلیق طیف, آزربایجانلیلارین اورموگؤلونون قصدا قورودولماسینااعتراض اولارق, کچیردیکلری موثر خیابان اعتراضلارینین قاباغین آلماق اوچونده , هر دونا گیردیلر،خیابان تظاهراتی دوزنلینلره خشونت طلب ،جاهل آدلاری قویدولار، یا گوردوک کی میلی فعال آدیلا ملتی ایکنجی دوره انتخاباتدا شرکت ائلمغه و روحانینین یالانلارینا ایناماغا دعوت ائتدیلر.
بو آزینلیق طیف,اما بعضا منفی تاثیر بیراخاجاق گوجه مالیک اولان طیف, اورموگؤلونون قصدا قورودولماسی سورونو کیمی , آزربایجانین دیگر حساس موضوع لاریندا دا,آزربایجان میلی منفعت لرینه قارشی فعالیت ادیرلر و آزربایجان چاغداش میلی آزادلیق حرکتینه منفی تاثیربیراخایرلار.بو طیف میلی حرکت اوچون یالان و جایدیریجی سیاسی هدفلر تعریف ادیر و اونا میلی بزئک ووراراق میلی فعال لاری او مصنوعی (اما قولاقا خوش گلجک )هدف لره چکمک اوچون,حرکتده ینی شکاف لار و فرعی یول لار آچير(مثلا ايران تورکلوگونوآزربایجان تورکلویو یرینه پمپالاماق و آذربايجان وطن آنلاييشيني ايرانلا دئيیشمک کيمي ,ایران رژیمینین قانون اساسی سی چرچیوسینده فعالیت ائتمک کيمي ، رژیمین پارالل تشکیلاتلاریندان حمایت ائتمک کيمي..)
سون ایللرده آزربایجان چاغداش میلی آزادلیق حرکتینه باخساق, گورجیک کی بو اقلیت,آزربایجان میلی فعالی آدینا داواملی اکتیودیر وبو آزینلیق ایللردیرآذربایجان آدینا, گونئی آذربایجاندا, هم فارس جنایتچی رژیمینه مشروعیت وردیریلر، هم رژیمه اورمو گولونو تمامیله قورتماسینا زمان قازاندیریلار,همده میلی حرکتین فعالاری وآزربایجان ضیألیلاری آراسیندا بویوک اختلافلار یارادیرلار.
مثلا زمان زمان میلی حرکتده بیرلیک یارانما مسئله سینده، آزربایجانی تحت تاثیر قویاجاق ایرانین سیاسی مسئله لری(سچیملر کیمی)، آزربایجاندا فارسین الی ایله یارانمیش کوچری کورد سورونو و تروریست کرد ایله مباریزه شیوه لریکیمی، فارس رژیمیله مبارزه اصول لاری مسئله سی کیمی, میلی حرکتین تک یول خریطه-تک بایراق و سمبل یارانما مسئله لری کیمی،..و داها داها چوخلو حساس مسئله لرده کی آزربایجان میلی فعالارینا دایانیشما و بیرلیک لازیمدی! بیردن بو اقلیت (کی نرمالدا آزربایجان فعالیت اتمیش کیمی گرونورلر) رنگ دییشب و رژیم ایله پارالل ,موازی و هماهنگ اما مختلف تاکتیکلریله و دییشیک ماسکلاریله, آزربایجان علیهنه فعالیت ادیر و حرکتی یونئلئتن میلی فعال لار آراسیندا چالخالامالار یارادیر .
اداره اطلاعاتین آزربایجان میلی آزادلیق حرکتینی پارچالاماق و میللتیمیزی آزربایجانچلیق یولوندان ایرانچیلیغا یولونا چکمک اوچون رژیمین اوز آدام لاری ایله یاراتدیغی فراکسیون ترک زبانان تله سینه میللتیمیزی چکمیه چالیشانلاراله همین طیف دیر. رژیمه اتدیکلری بو خیدمتلرینین آدینیدا قویدولار منطقی اولماق مدنی اولماق !.
بونلار ملتی رژیمی ایله مبارزه اتمئک یرینه رژیمی ایله باریشدیریب, ملتی رژیمدن حاق طلب اتدیرمیه آلیشدیریب و حرکتی درجا(یرینده ایرررلمدن قالماقا ) وورماغا ومیللتی میلی حرکتدن مأیوس- اومود سوز اتمییهٔ وآذربایجان میلی حرکتینین اؤز گوونینی و اؤزایچ ایستیقلالیتینی و هدفلرینی پوزماقلا حرکتی رژیمین کنترلونا وئرمییه سبب اولورلار !
نه یازیق کی بونلارين فعالييتي ,بونلاریلادا محدود قالمير. اونلار ایللرده حرکتده تاثیر قویاجاق گوجلر آرسیندا گوونسیزلیک (بی اعتمادی ), کین و نفرت دویگوسونو تزریق ادیر, داها آجیسی بوونلار میلی حرکت ده و تپلوم دا اخلاقي يانليش دبلر قويولار و ميلتچيليگين تمه‌ليني تشکيل ائدن تميز ميللي اخلاق و کولتورو , منجيلابا چکمه‌يه چاليشيلار: مثلا بؤهتان آتما دبي ،فعاللار دوزیینده شخصي حياتلار اوستوندن تخريبات اتمه و فعالیت لری کولگه یه سالماتاکتیک لری، حرکتی شهرلر و بولگه لره و یا خارج داخله بولمئک ودره بئیلیکلر کولتورو و منمليک دبي ياراتماق, یاش فرقی و بویوک-چیچیک آقا-ارباب لیک فرهنگی دوزلدیب حرکتده جاوانلاری کنترل و یا قارالاماق شیوه سی ایله قاچیدماق,یاشلی و زیکزاک پروفایلی فیگورلاردان پوشآلی لیدرلریاراتماق ،میلی حرکت طیفلرینده بیر بیرینی بايکوت آدابی یارادیب آدینی رقابات قویماق….کیمی چخلو اخلاقی و روانی فعالیتلری چوخ گورمک اولوور.
بواقليت اؤزو ۳ دسته يه بؤلونور:
-ايرانچي فئدرالچيلار- اقلیتین ان اقلیتی و ائل تعبیری ایله ایرانبایجانچی لار ( فئدرالچيلار اؤزو ايکي دستييه بؤلونور ايرانچي فئدرالچيلار-آذربايجانچي فئدرالچيلار کی اوزون مبحث دیر)
-رئژيم طرفيندن ميللي حرکتي محو ائتمک اوچون يئرلشديريلن مانقورد و ساتقین آذربايجانليلار(دؤنوکلر و خايينلر)بو اقلیت دولتین مادی و سیاسی گوجو آرخاسیندا اولان و منفی تاثیر بیراخاجاق گوجه مالیک اولان کسیم دیر.
-۳جو دسته ااؤز ایچینده نچه چشیدلیلییک واریدی,قیسجا ساده لوح نه ايسته‌ديگيني بيلمه‌ين و هیجانلاری سئون-وطنینی سئون اما تجربه سیز و یا سیاسی بیلگیسی اولماین ویا میلی حرکت تاریخینی دوغرو دوزگون بیلمین
ایرانچی فدرالچلار کی سوزده آزربایجان کلمه سینی ایشلدیلر امااؤز دئدیک لرینه گوره بونا گؤره فدرالچیلیق ادیرلر کی ایرانی پارچالماقدان قورتارسینلار.
بونلار هرنه حادیثه و گلیشمه اولسا اؤزلرینی ایرانلی اولاراق گورولر. وطن لرینی آزربایجان دئییل, ایران بیلیرلر. فارس رژیمینه باغلی اولماسلاردا رژیمه غیر مستقیم خدمت ادیرلر.اونا گؤره بو اينسانلار نه اولورسا اولسون آذربايجان ميللي منفعتلرينه گئدن هر حاديثه يه قارشي چيخاجاقلار و بو کسيمين هاميسي ياشلي اينسانلار و ايران سرتاسري سياسي حرکت لريندن گئلن آزربايجانليلاردير. بونلارين تاثيريده آذربايجان ميلتي اوستونده, چوخ چوخ ضعيفدير, سو بولانديرماقدان سونرا آيري ائتکي لري يوخدور.
دؤنوکلر و خايينلر ایران رژیمینین ملی حرکتیمیزه, ملی فعال آدییلا سیزدیرمیش ویا یئتیشدیرمیش آزربایجان سویلو انسانلاردی که حرکتمیزی دواملی یولوندان جایدیرماغا و ایرانچیلیغین قوجاغینا آتماغا و ملتی ملی حرکتدن اوزاقلاشدیرماغا و سؤغوتماغا چالیشیلار .
بونلار رسما عامل و مهره مخرب رژیمدیرلر! مطمئناده آز سایدا دئیلر.بواقلیت ایشغالچیلیق فارس دولتینه جاندان اینانان و ایرانچیلیق و ایراننین وارلیقی اوچون خدمت ادئن وارلیق لاردیلر.
میلی فعال ماسکی ایلیه آرمیزدا گزئن خائنلرین فعالیت لری آیدین گرونور, اونلاری تانیماغین بارز نشانه سی اطلاعاتین آزربایجان علیهنه قوردوغو اویونلارین هامیسینا ملتی داخل اتمک ایستمئک لریدیر (فراکسیون,جنبش سبز ،روحانیه دستک… اویونلاری کیمی) .
مثلا بو طیفین سون زمان فعالیت لرینده گوردوک کی میلی فعال آدینا شدت ایله سوزده آزربایجان ملت وکیلرندن(شورای نگهبانین اوزونه یاخین و ملت آدینا سئچدیغی برده لردن) حمایت اتدیلر، اونلاردان میلی قهرمان و حامی حرکت ملی یارادیلار آزربایجان میللتینه , اونلاری بئله قبول اتملرینه و اینانمالارینا و حتی اونلاری میلتین ناجیسی کیمی گورملرینه جان دان فعالیت اتدیلر .
میلی فعال چادراسی آلتیندا گیزلئننبو طیف,رژیمین شورای نگهبانین آدملاریندان یاراتدیغی فراکسیون ایونوندا, جمهوری اسلامی ایرانین تریبونو اولموش و میللتی بو باتلاقا چکمک اوچون هرتیپ ماسکا تاخدیلار تا میلّت دعوته اینانسین(شاعر اولدولار,تاریخچی اولدولار, مدیا چی‌اولدولار,ايستيقلالچي- بوتو آزربایجانچی حتی الچی بئی چی اولدولار). رژیم بو اینسانلارین سایه سینده حرکتی عملی اولارق پاسیو اتمییه ،اختلافلاری درین لشدیرمغده قیسمن ده باشاریلی اولدو.
ایللردیر ظلم و سومورگچیلیکدن (استعماردان )جانا گئلن، فارس رژیمیندن بیخان ،یالان ایرانلی هویتیندن و ایرانچیلیقدان بیخان ،آسیمیلاسیوندان اویانان و آزربایجان میلی حرکتینه یاخلاشان آزربایجان تورک میلتینی, رژیمه و ایرانچیلیق ایدیاسینا یاخلاشدیرماقا چالیشدیران بو اینسانلارین فعالیتلری بونونلا دا قورتارمیر.ساتقينليق، خاينليق،جاسوسلوق،…( اوزون قونودور)
اوچونجو طیف یوخاریدادا اشاره الدیغیم کیمین مختلف اینسانلاری اما بی غرض اینسانلاری اوزونده باریندیران طیف دیر که بونلاری منطق اولاراق قیناماق خطا و اخلاقی باخیمدان دوز دئیل.
گرچه بو طیف دیگر ۲ طیف ایله یا موازی و هماهنگ عمل ادیرلر,بونلاردان غافل اولماق دا دوز دئییل , چون ۳جو طیف, فارس رژیمینین قوردوقو سیاسی اویونلا را دوشمغه و یا رژیمه غیر مستقیم مهره اولماقا مساعد طیفدیرلر و ایستمدن بو تله لره دوشورلر.
بو طیفه داها چوخ دیققت ائتمک لازیمدیر اونلاری قوجاقلاماق ,یانلیشلارین دوزتمک و سیاسی شعورلاندیرماق گرکیر و اصیل میللتچیلر بو طیف دٔه اولان اینسانلاری شناسایی ادیب اوستلرینده ایشلییب و اونلاری حرکته قازندیرمالاری لازیمدیر.(يانليز جاوانلار اوستونده)
موفق اولماساق دا اونلاری تخریبات لار میدانینا آتماماق شرطیله اونلاریین اتکیسینی میللت اوستونده آزاتماق لازیمدیر.بودا گئج اولمادان اصیل میللتچیلرین آغیز و عمل بیرلیگی ایله اولار.چوخونلوق ميللي فعالاردا (اؤزه‌ليکله ايستيقلالچي کسيم )گوجلو آغيز بيرليگي اولسا ايستر ايسته‌مز ميلت, چوخونلوقون گؤرستديگي رفتاري تقليد ائده‌جک و بو آغيز بيرليگيده, ميلتين میلی حرکتدن قوپمادان, اصيل ميلتچيلرين و ايستيقلالچي کسيم طرفی‌دنن حياتا گچيره‌جگي بير گرکجه‌دير .
بو طیفین اکثریتینی سیاسی بیلگیسی اولمایان اینسانلار تشکیل ادیر که هر خبر و اولایلا هیجانلانیر و جوگیر اولوب و هر حادثه و موضوعدا بيله‌رک يا بيلميه‌رک توتوملارین قارشی طرف دن یانا توتولار و میلی حرکت فعالاری آراسیندا اختلاف یاراديب و ملتیین اصلی میلی-سیاسی طبقه سینده تلاطم یارادیرلار. بودا سبب اولور کی اورتام گرگينلشديکجه ملتین اصیل ضیالیلاری و سیاسی فعالاریلا ملت آراسیندا ارتباطلار و اعتمادی گئت گده آزالیر .
رژیم بو طیف ایچینده ان ساده لرینی شناسایی ادیر و اوستونده ایشلیر و آدلارینی شیشدیلیر و تپلوم ایچینده آدلاری میلی فعال کیمی پمپالانیر و بو اینسانلار بیر مدتدن سونرا (رژیمین ایستدیغی قیواما گلدیکدن سونرا) اونلاری سیزدیرلمیش مهره لر واسطه سیلیه آلت ادیب اوزلری بیلمدن اونلارا خط ورییر,ایناندیرجی الوب تپلومدا یئر قازانسینلار دیه, رژیم طرفیندن آراداخفیف تئزیقلر گورولر, اما سونرا اونلارا رژیم اوزو یول وریر.
چون بو اینسانلاررژیم اوچون قابل کنترل و کبریت بی‌خطر دیرلر .رئژيمين دردي و قورخوسو گرچک ميللييتچي اولانلار, “وطن آزربایجان” آدرسینی “ایران” ايله ترس سالمایان،جاني و بوتون وارليغي باهاسينا آذربايجاندان و عدالتدن آيريلمايان،هئچ بير سياسي اويونا گلمين ، هرسیاسی و غیر سیاسی موضوعیا آزربایجان زاویه سیندن و تورک میلتینین میلی منفعتلری اساسیندا باخیب تحلیل ائدن ,ميلتچيليک پرئنسيبلريندن و اخلاقی دئیئرلریندن آيريلمايان،توتودغو يولدا صبيرلي و عزملی اولان ،اياغين باسديغي يئردن گئري آتديم آتمايان (ثابت قدم اولان), جسارت ایله اذربایجانین آزادلیغی و ایستیقلالیتینی دیله گتیرن ،فارس رژیمینی آزربایجان دا ایشغالچی گؤروب رژیمدن هچ بیر حق طلب اتمیین,اؤزونو ايرانين سياسي تعريفلريله دئييل (هویت طلب -استقلال طلب- تجزیه طلب -فعال مدنی -پان تورک )اؤزميلتينين سياسي تعريف لريله تانيدان و دئيير وئرن(ميللتچي-ايستيقلالچي -يوردچو -تورانچي) ملتینین غصب اولونموش حاقلاری آلماق اوچون رژیمدن حق طلب اتمئک یرینه اونونلا مبارزه ادئن ،سياسي اولاراق موخاليف ميللئتچيلره اخلاقلا ياناشان ,خائن لر و دشمن لردن باشقا بوتون میلتینی قوجاقلایان میلی فعاللاردير.
ايندي بوگون کي موضوعموزا ( اورمو گؤلو و ۲۳ تير اولايي) باخساق گؤره‌جگيک بوردادا بو اقلیتین هر ۳ دسته سیی اورمو گؤلو قوروتولما اولاييندا رئژيمين يانيندا يئر آلديلار( بعضي لري بيله‌رک بعضيلري بيلميه‌رک ) .
ميلتي اعتيراضلاردان اوزاقلاشديرماغا چالیشیب و اونلاری رژیمین بوگون اوچون تربیت اتدیغی یالانچی و تولکو بالالارینین داليجا گئتمه‌يه دعوت ائتديلر.
اونوتماميشيق کي ميللي فعال چادراسيندا ويا آديندا روحاني،قاضيپور ،بهادری ،حضرتپور کيمين رئژيمين اؤز تربيت ائتدييکلريندن نئجه قهرمان ياراديلار.زندانلاردا بوگون اورمو گولو اعتراضاتلاریندا توتوقلو یا حوکوملو ویا شکنجه اولوموش ملی فعالاریمیز وار.گؤرسئن بو اوتانمازلار نجه بو اینسالارین و اونلارین عایله لرینین اؤزونه باخایرلار؟ بوگون اورمو گولو اولاییندا و رژیمین بو قدر یالانچی لیغی اورتایا چیخدیقی بیر حالدا نیه سوسوبلار ؟
ایرانین اینتیصابی و نیمایشی رئیس جمهور سئچيملردن(۱۳۹۲-۱۳۹۶ جیا ایللرده ) چیخان قاتل و تولکو روحانینین سؤزده قازانماسيندان سونرا کيملر ميللي فعال آدينا بونو ميللي حرکت ين باشاريسي آدلانديرديلار؟
اورمو گؤلونون قورودولما پروژه سينين دوردولماسي و حتّي جانلاديرماسي ( احياسي ) حاقيندا وئريلن پوپوليستي شوعارلار ويالان وعدهلر ايله ميلتي آلداتان رئژيمي قينانامامق بير کنارا قالسين, بيرده بو يالان وعدهلري رئژيم يئرينه تبليغ ائديب آلقيشلايانلار, اورمو گؤلونون قورودولماسيندا رئژيم قدر گوناهکار دئييللرمي؟
ميللتين باشيني پوشآلی و قوندارما فراکسيون ايله قاتان و فراکسيونو تشکيل ائدن رئژيمين آداملارينا ميللي بزک ووران، بونودا اوتانمادان حرکتين اوغورو آدلانديران سؤزده ميللي فعاللار, ۲۳ تير اولاييندان نقدر درس آلا بيلديلر؟
قاضيپورلاردان, بهادري لردن, حضرت پورلاردان پزشکیانلاردان روحانی لردن و رئژيمه قولوق ائدن بوتون مانقورد و قولاقی توکلولردن ميللي و قهرمان ياراديب ميلتين اصيل قهرمانلارينا لکه آتانلار نييه بوگون لال اولوبلار؟
ایران آدلانان اولکده هر اوشاق دا بیلیر کی شورای نگهبانین آزربایجان تورک لرینه میلت وکیلی اولاراق معرفی الئدیغی آزربایجانلیلار اوزونون تربیت الئدیغی صاديق مانقوردلاردیر .اونلاری آزربایجان تورکلرینین میلت وکیلی اولاراق گورمک اخماقلیق, اونلاری آزربایجان پرست اولارق تانیماق کورلوک و اونلاری آزربایجان تورک لرینه میلی قهرمان کیمی تانیتماق ایسه خیانت دیر.
شورای نگهبانین میللته سوندوغو سؤزده نیماینده لری نقدرده آغیزلاریندا آزربایجان سوزونو, سیاساتا ساقیز اتسلر, ویا بعضأده آزربایجان میلی مسئله لرینده اوزلرینی یانچی کیمی مکاپ ائتسلرده, آنجاق بو اینسانلار هر ۱۰ ایشیندن ۱۰ دا آزربایجانی یوخ ائتمک و تورک میلتینی محو ادئن فارس اشغالچیلیق سیستمینی قوروماق وغاصب فاشیستی آیاقدا توتماق اوچوندور.ذاتا رژیم بو اینسانلاری بوگون لر اوچون تربیت اتمیش ونیماینده کیمین گورونملرینه صلاحیت ورمیشدیر.
آگر آرادا بير تورک سؤزو (اونودا تورکزبان اولاراق تحريف اولونموش) تورک سؤزونو بو اينسانلارين آغزيندان ائشيديريک ايسه ،بو گونئي آذربايجان ميللي آزادليق حرکاتينين گوجونون اثريدير. آما ياريم يامالاق تورک سؤزونو ايشله‌دن آما عملده تورکه دوشمن اولان نيماينده‌لريين ميللي حرکاتين گوجو مقابلیندٔه عقب نشینی سی و يا مجبور قالماسیندان دئييل.
بلکه رئژيم بئله اويونو قورماقدان هدفی, حرکتین دیققتینی آیری یره چکیب حرکاتي ایران رژیمینین قوجاغینا آتیب اونو شقه‌ليييب, پارچاليييب, اؤز ايچيندن چوروتمکدير
بوگونه کيمين آذربايجان ميلتي اوچون بو اينسانلارعملده ۱ مثبت ايش نه ائديبلر؟ بوگونه کيمين آذربايجان ميلتي اوچون هانسي درديميزي حل ائديبلر؟
هانسي ميللي فعاليميزين زيندانا گئتمه‌سينين قاباغين آليبلار؟ بوگونه کيمين بو قولاقی توهلولر آذربايجان هانسي ميللي فعالا تزيق و توتوقلامانين قاباغيني آليبلار؟
اورمو گولو اوچون بوش دانیشماقدن سونرا نه اتدیلر ؟
آزربایجان اوچون هانسی اقتصادی سیاسی مشکلی حل اتدیلر ؟ برعکس بهادری و حضرت پورلر میلی فعال لارا و آزربایجانا بویوک خیانتلر ادیرلر (برعکس بونيماينده‌لريين سایه سینده اورمیه داها کووردّ لشدیرلدی)
ساده لوح اينسانلار کي سادهجئه تورک سؤزونو تحریف الونموش مدل ده بو ماانقورد آداملارين آغزيندان ائشيدير و عمله باخماييب, اونلارین کیم الدوغوناباخماييب, اونلارین ماهیتینه باخماييب, اونلارین نجه و نیه و نه اوچون بیردین اورتایا چیخمالارینا باخماييب, حتی و یاریم یامالق تحریف الونموش تورک کلمه سی ایشلدییغی سوزلرین آرسیندا تورک لره دشمن لیک نیفرت اتدیکلرین و اصیل ایرانچی و رژیمچی اولدوغونا باخماييب,.. یانلیز ايکي “ترک زبان ” و “یاشاسین” سؤزله جو توتور, رئژيمي آياقدا توتانلاري قهرامان تانیدیر و اصيل آذربايجان قهرامانلاريني لکه‌ليیر .
گرچک آزربایجان میلی فعاللاری, میلتی آلداتماغا مشغول اولان بو شخصلره دفعه لرجه تذکر وریب ومیلی فعال آدیندا گزن بو اییکی باشلی ایونچولاری قیناییب. آنجاق بو تذکرلرین چوخو جوابی يوخاريدا ايشاره ائتديگيم بيرمجي و ايکينجي دسته‌لر طرفيندن,حقارت،توهین وایختیلافلاری فیتللمئکدن باشقا بیر شئی اولماییب. اونا گوره دوشونورم کی هر آزربایجان سئون آزربایجانلی آرتیق اویانمالیدیر و اذربایجانین بو اولوم قالیم گونلرینده بو سرطانی غده لری (بيرمجي و ايکينجي دسته‌لر)آزربایجان میلی حرکتینین بدنیندن تمیزلئملیدیر يا ائتکيسيز ائتمه‌ليدير ( اوچونجو قروپ),چونکو صاباح گئج اولاجاق.
بعضاً, بعضيلري بونو دئموکراسي مسله سي آدالانديريلارو دئييرلر هر کيم ,نه آديلا نه ايستسه ائديب,هر نه دييه بيلر .سانکي آزربايجانين ميللي و موستقيل دؤولتي وار و ايندي توپلوم دئموکراتلاشديرماق لازيمدير،حتّي دئموکراتيک توپلوملاردا و ميللي دئموکراتيک دؤولتلرده بئله ميللي منفعته ضرر وئرجک اولايلارا و يا شخصلري دئموکراسي اؤلچوچوسو ايله ديرلنديرمزلر.بونلاري دئين ميللي فعاللار اؤزلري ايستر ايسته‌مز اوچونجو دسته‌يه ( دوغرو تاريخي ,سياسي آناليزي اولمايان فعاللارا) داخيلديرلر .
يابعضي ميللي فعاللار دوشونولر کي رژیمه خدمت ائدن آزربایجان سویلو مانقوردلاردا آذربايجانليديرلار. دئيرلربيز گرک بيرمجي و ايکيمجي دسته‌لرينين هاميسينيدا,۳ جوب دسته کیمین قازاناق .
اونوتماياق کي اونلار آذربايجانلي یا تورک اولا بيلرلر آما تورکه و آذربايجانا قارشي الوب و دوشمن خيدمتينده‌ديرلر.هر زامان دئميشم کي هر تورک دوغولان ، تورک اولاماز.
بویوک آتا تورک دئيير کي نه موتلو تورکوم ديينه! دئمير نه موتلو تورکوم دوغولانا !
تورک دوغولماق تورک اولماق اوچون يئترلي دئييل. بوگون اطلاعاتدا بيزيم گئنجلري ايشکنجه ائدن ،محکمه‌لرده ميللي فعاللاري زيندانلارا محکوم ائدن، ميلتيميزه خيابانلاردا سيلاح چکن ،وطن توپراغيني ساتان مسئوللار، میلی فعال آدینا آرامیزا سیزیب میللتچی لری ساتان و موخبیرلرین.. هاميسي مانقورد تورکلردير کي فارسا و ايرانچيليغا قوللوق ائديرلر.اونلار سوي اولاراق آذربايجانلي یا تورک اولا بيلرلر آما تورکه و آذربايجانا قارشي اولوب و دوشمن خيدمتينده‌ديرلر.
ايکينجي کي هئچ بير آقيللي و باشاريلي بير ميلت اؤز تاریخی قورتولوشوندا اؤز مانقورد و ساتقين اينسانيني و يا ايکي باشلي اوينويانلاريني قازانماق دردينه دوشوب و اونلارين خييانتلريني باغيشلاميييب باغیشلاماز. هله هله کي آذربايجان سون ۵۰ ايلده (حتی سون ۵ ایلده که چاغداش میلی حرکت گوجلنیب ) بو تيپ اينسانلاردان نقدر ضرر گؤروب و جوبراني اولمايان تراژئديلر ياشاييب. ۱۹۴۶ پیشه وری و ميللي حؤکومتين سون گونلريني و ايچيميزدن اولان نئچه اوزلولري و يا يانليش توتوملاري اولانلاري اونوتماديق. آجی تجربه و منطیق حؤکم ائدير کي بو تيپ اينسانلار ایفشا الونمالیدیر. داها مهمی رژیم وابسته اولان هر تور انسانی اذربایجانین قارشیسیندا گورملییک نقدرده اوزونو آزربایجان یانچی کیمین گورستسه!
نه یازیق کی اصیل آزربایجان سئور میلی فعال لار آراسیندا اختلاف سلیقه ، باخیش اختلافی وار اما اصیل و گئرچک بیر آزربایجان میلی فعالی, آزربایجانی ایرانچیلیق قوجقینا آتماز! ایران ایشغال رژیمیندن مدد گوزلئییب اسیر و استعمار اولأن میلتینی غاصب رژیمینین رئیس جمهورونون دالیجا چکیب و اونون یرینه اونون یالان وعدهلری تبلیغ ادیب, میلتی آلداتماز!
میلی حرکت و میلی فعاللارین آدین و زحمتین قوروماق اوچون وطن آزربایجانین گلئجغینی دؤزتمک اوچون هرکس اؤز چورسینده تاندیغی بو تیپ آداملاری تانیمالی و بونلاری افشا اتملیدیر. یوخسا نه ملی حرکت قالاجاق, نه هدفلری و نده آزربایجان!
بوگون کي حالدا اورمو گؤلو اوچون ميللي فعاللار نه ائتمه‌ليدير؟
۱- آذربايجانين بوتون شهرلرينده اورمو گؤلو اوچون دواملي و هدفلی خيابان اعتيراضلاري ترتيب ائتمه‌ليک بونونلا ياناشي خاريجده بوتون اؤلکه‌لرده تظاهرات و سياسي گؤروشلر کئچيرمه‌ليک و گونئي ده اولان اعتيراضلاري دونيايا يايماليک.اورمو گؤلونو ۱۳۹۰-تا ۱۳۹۲ جي ايللر کيمي بوتون دونيا دؤولتلرين ديقيتينده ساخلامالييق.
هدفلی خيابان اعتيراضلاري ندير؟ هدفلی اعتيراضلار اولماق اوچون ۲ اؤنملي سوالا جواب وئرمه لیک
الف: بيز ميلت اولاراق بو اعتيراضدا نه هزینه وئريب نه اله گتيره‌جيک و هدف ميز اعتيراضدان نه اله گتيرمکدير؟ ب:نئجه باشاريلي اولاجاييق؟
خييابان اعتيراضلاري دواملي آرا وئرمه‌دن نچه گون چکرسه چکسين هدفه اولاشمادان گئري دؤنممه‌لي .(مثلا هدف لر سدلر آچيلمادان ائوه دؤنمک يوخ) ۳ گون ميلت ائوه گئتمه‌سه دؤولتين بوتون ايشلتيم مئکانيزمي دوراجاق, اوزامان یا رژیم ايستکلره بويون اَيه‌جک يا اييش داهادا آذربايجان خئيرينه ايررلييه‌جک. نه يازيق کي آذربايجاندا بيزييم تظاهراتلاریمیز هدفسيز و دوامسيز اولور . ميلتي يؤنلته‌جک ميللي فعاللار يوخاريداکي ندنلردن باشاريلي بير ايش گؤره بيلمه‌ييرلر .
۲-بوتون متخصص لرين اورمو گؤلونون قورتاريلماسينين تک يولونو اورمو گؤلونه تؤکولن چايلارين آچيلماسي اولدوغونو دئييلر.اورمو گؤلونه آخان چايلارين قاباغيندان, سئپاه پاسدارانين تيجاري سدلري گؤتورلمه‌ليدير. نه مصنوعی بولوت ،نه آراز سويونو چکمک،نه خزر سويون چکمک،و نه باشقا پوپوليستي شعار لاريلا اورمو گؤونو قورتارماق مومکون اولماز. خزرده سو چکيله‌جک ! اراز دان سو چکيله‌جک !هم علمي و هم عملي و همده سياسي باخيمدان غئيري مومکون اولان بئله شعار لارا اينانماق, ساده ليکدير.
دواملي اعتيراضلاريميزلا رئژيمي مجبور ائتمه‌ليک بو سدلري قالديرسين بو تيجاري سدلري افشا اتملیک. بئللی بییر زمان ایچینده سدلر قالديرماياجاقسا متخصصلر, ميللي فعالارا علمي اولاراق, او سدلرين ييخيلماسيني اؤيرتمه‌ليدير. قابل اعتماد مسئولیتلی میلی فعال لار,بیرلیک ایچرسینده بوائيلمي فورا یونتملیدیرلر کي, سدلردن آچيلان سو کندلره و اکینجی توپراقلارینا و حتی شهرلره ضرر وئرمه‌دن اورمو گؤلونه آخسين. (بونون اوچون آجيل بير کوميته يا قوروم يارانماليدير, چون۱ ایل ایچرسینده سدلر ییخیلیب, سولار آچیلمازسا ۱۵ میلیون آزربایجانلینی محو ادجک فلاکت باشلیاجاق و آرتیق بو فاجعهٔ نی انگلمک و آزربایجانی قورتارماق هئچ بییر ایش گورمئک مومکون اولمایاجاق )