Bəzən bir rejimin qəddarlığı sadəcə məhkəmə zallarında və ya həbsxana divarları arasında qalmır. O, insanın həyatına, sözünə, nəfəsinə qədər sızır. İran rejimi də bu gerçəyi bir daha sübut etdi – həm də çox acı bir şəkildə.
Güney Azərbaycanın tanınmış rejissoru və yazıçısı Eldar Hüseynzadə, yəni Eldar Bora, 2023-cü ilin 1 avqustunda İrşad idarəsinə aparıldı. Səbəb isə açıq idi: öz ana dilində danışmaq, yazmaq, çəkmək. İran rejimi üçün bu, illərdir ki, bağışlanmayan bir “cinayət” sayılır.
Eldar Hüseynzadə barəsində əvvəllər irəli sürülən iddialar tam əsassız çıxsa da, İttilaat onu buraxmaq istəmədi. Təkrar-təkrar sorğuya çəkildi. Onların məqsədi, sanki, bir insanı qorxutmaq yox, sındırmaq idi.
Oktyabrın 8-də Eldar bu zülüm və işkəncələrə dayanmayıp nəhayət ölkədən çıxmağı bacardı. Bir ay sonra, 2023-cü ilin noyabrın 2-də həyat yoldaşı Qəzal Rənjibər Bahir də İranı tərk etdi. Lakin hələ hər şey bitməmişdi. Eldarın qaçışından sadəcə 4 gün sonra, oktyabrın 12-də, İran rejimi onun haqqında edam qərarı çıxardı. Səbəb? “Dövlətə qarşı çıxmaq”, “milliyətçilik etmək” və “sənəti ilə devlətə və islama qarşı müqavimət göstərmək”.
İran rejimi öz xalqını qorxutmaq üçün artıq qanunla deyil, qisasla idarə olunur. Qaçan sağ qalsa da, arxasında hökm buraxaraq onu radikal dövlətçilər tərəfindən açıx bir hədəf halinə gətirir.
1
Eldar canını qurtardı, onun və həyat yoldaşı Qəzəlin haqqında çıxarılan ölüm hökmü rejimin iç üzünü bir daha göstərdi. Bu rejim Azərbaycan xalqını, ailə sistəmini, Dilini, Kültürünü yox etməyə çalışır və artıx bunu ələni bir şəkildə edir.
Yorumlar